Былыргы быһылааннаах,

Былаҕайдаах дьыллар

Быраман мындааларыгар,

Урукку ороскуоттаах,

Оһоллоох Одун дьыллар

Уларыйар өттүлэригэр

Аҕыс иилээх-саҕалаах

Аан ийэ дойдум

Үөскээбитэ эбитэ үһү.

Маннык үтүө дойду

Үрүҥ кырыытын

Өйдүөн, көрөн турдахха:

Баттаатар маталдьыйбат,

Үктүөтэр өҕүллүбэт,

Кэбиэлээтэр кэбэлдьийбэт

Кэтит киэлитигэр,

Өрөгөйдөөх үрдүк арҕаһыгар,

Туман түспэтэх дурдатыгар,

Хаһыҥ түспэтэх халдьаайытыгар,

Букатын киирбэт булуҥар

Арҕаһыттан тэһииннээх,

Аһыныылаах санаалаах

Айыы аймаҕа

Алаһа Дьиэтэ,

Аал уота

Ананан айыллыбыт эбит!

Ноо!

Маннык бэйэлээх

Ийэ-киэли сир,

Иэримэ дьиэ

Итэҕэллээх иччитэ,

Туһааннаах тойоно

Кимий? –, диэн,

Ирдээн иһиттэххэ,

Өйдүөн-дьүүллээн көрдөххө-

Орто дойду

Аналлаах ыччата,

Ала-кэрэ аттаах

Адантай Боотур диэн киһи үөскээн,

Сиһсн этэ сиппит,

Холун этэ хойдубут,

Буубун этэ муҥутаабыт

Бухатыырга мөссүөннээх,

Күүстээххэ көрүннээх,

Быһыйга быһыылаах киһи эбит.

Дьээрэ!

Ол курдук улахан охсуһуу буолла

Ый 30 хонуга ситиэн тохору

Охсуһан баран

Айыы бухатыыра

Абааһы уолун

Аҕыс кырыылаах куйаҕын

Хайыта кырбаата

Сэттэ сиринэн

Сиикэй баастаата,

Аҕыс сиринэн

Аһаҕас баастаата,

Тоҕус сиринэн

Тобуллаҕас баастаата,

Айыы Бухатыыра

Оҕустаҕын ахсын

Оһоллоон истэ,

Тэптэҕин ахсын

Тэмтэритэн истэ.

Үөгүлүү түһэн баран

Өттүктээн ылан

Тиэрэ быраҕан түһэрдэ.

Уолугун үүтүнэн

Уган баран,

Самаҕын туорайыгар дылы

Хайа тардан кэбистэ.

Тыый!

Саха Саарын тойон,

Сабыйа Баай хотун

Бары уоллуун, кыыстыын,

Оҕолуун-уруулуун

Тахсан тураннар,

Аты тэһииниттэн

Тутан тураннар

Биир куолаһынан

Алгыс алҕаан ыыттылар.

Уруй-Айхал буоллун

Көрдөр харахпыт

Харата буолбут,

Сөмүстээхэй бүөбэйбит!

Айаннаан тиийэҥҥит

Төрөтөр оҕоҕут

Үс хос

Ньээкэ көмүс уйаланнын!

Иитэр сүөһүгүт

Сэттэ хос

Сибиэ дьэргэлгэн күрүөлэннин!

Дом!!!

Сырдык сыбаайба,

Маҕан малааһын аһылынна,

Кустаах-хаастаах

Дириҥ-далай түһүлгэни

Туора таттылар.

Тоҕус күнү быһа

Уруу тэрийдилэр.

Уоллаах кыыс

Аан дайдыларыгар,

Иэримэ дьиэлэригэр

Тиийэн кэллилэр.

Аал уоту оттоннор,

Алаһа дьиэни тэринэннэр,

Алтан сэргэни анньаннар,

Төрөтөр оҕону уйалаан,

Иитэр сүөһүнү күрүөлээн,

Байан-тотон,

Аар баҕаҕы анньынан,

Тоҕой сэлэни тиирэн

Олорбуттара үһү!

Ноо!

Уруй-Айхал! Күөгэл-нусхал!

Ноо!